Praza Maior 1        988 388 100

Atopar
Buscador Concello de Ourense

Goberno

O Programa CaixaProinfancia, posto en marcha polo Concello de Ourense e a Obra Social "La Caixa", e coordinado pola Fundación Juan Soñador, superou no pasado curso todas as expectativas atendendo a 57 familias, sete máis do máximo previsto, e 95 menores en risco de exclusión social.

“Este é un programa moi eficaz, cada día máis implantado no noso concello e no que cada vez participa un maior número de familias”, confirmou a concelleira de Asuntos Sociais, Sofía Godoy durante a última reunión dos organismos e entidades que participan neste proxecto social.

Godoy agradeceu o traballo da Fundación Juan Soñador e especialmente a “la Caixa” pola “súa voso traballo para mellorar a situación das familias que máis o precisan” e mostrou o seu “convencemento” de que este proxecto “continuará durante moitos anos”.

O representante do departamento de “Loita contra a Pobreza” da Obra Social La Caixa, Josep Oliva, confirmou que “o programa está indo moi ben nas sete cidades de Galicia nas que está en marcha” e que se trata dun “proxecto que chegou con vontade de quedarse e de seguir traballando en Ourense os cursos que faga falla”.

De feito confirmou que o vindeiro ano está previsto un encontro dos responsables do programa CaixaProinfancia de toda Galicia en Santiago de Compostela, no que tamén participarán as familias para explicar a súa experiencia tras dous anos como beneficiarios.

O programa consiste nun modelo de intervención integral coa infancia en situación de pobreza e céntrase principalmente na relevancia da colaboración e o traballo en rede entre os diversos axentes que traballan coas familias, ofrecéndolles apoio en diversos ámbitos como: educación, sanidade, acción social, ou actuacións da administración pública.

Na nosa cidade estase a desenvolver nos barrios de Covadonga, As Eiroás e o Vinteún, zonas de especial sensibilidade social. Ao inicio do pasado curso estaban inscritas 38 familias, dun total de 50 beneficiarios previstos. Ao final do curso ofrecérase atención a 57 familias e 95 rapaces (62 nenos e 33 nenas), especialmente de Educación Primaria. Para prestar os servizos o programa contou coas instalacións do Centro Cívico de A Ponte e do CEIP Virxe de Covadonga.

Este ano, ademais dos tradicionais servizos de reforzo de educación en Primaria e Secundaria o programa contou coa novidade dun campamento de verán en Allariz, ao que acudiron nenos procedentes de toda Galicia; e actividades de ocio no Centro Cívico de A Ponte e de reforzo educativo.

Outro dos eixos deste programa, que conta cun orzamento de 55.000 euros, está dirixido á prestación de bens a través de tarxetas para as familias inscritas. Este ano ofrecéronse sete tarxetas para produtos de alimentación e hixiene (cunha contía de 300 euros cada unha), oito para gafas (100 euros por tarxeta) e nove para a compra de material escolar (100 euros por tarxeta).

Para o vindeiro ano o programa ten previsto poñer en marcha unha nova iniciativa o proxecto “”Aprender xuntos en familia”, un obradoiro que traballara cos menores, cos adultos e tamén coas familias para impulsar a creación dunha rede entre os beneficiarios do proxecto.

Dende a organización deste programa destácase a satisfacción e motivación das familias beneficiarias, que “están a ter unha asistencia moi boa aos servizos prestados”. Tamén se está a confirmar unha mellora na situación dos menores, “que se está a reflexar nunha mellora da súa integración e rendemento escolar; así como da conciliación familiar a través de actividades de ocio e tempo libre”.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.