Praza Maior 1        988 388 100

Atopar
Buscador Concello de Ourense

Goberno

O concerto final do programa Ourencanto, un programa que espallou o gusto pola música coral á mocidade de entre 8 e 18 anos de toda a provincia, celebra este domingo ás 19:00 horas o seu concerto final. Sobre as táboas do Auditorio Municipal haberá 370 participantes cantando ao mesmo tempo e interpretando unha coñecida melodía galega elaborada ad hoc polo director do coro, Josu Elberdin, “o compositor para nenos máis recoñecido a nivel internacional”, en palabras do organizador do programa, Carlos Núñez.

Ourencanto, un programa no que colaboran Concello e Deputación de Ourense, “é unha iniciativa pioneira que combina a actividade formativa, de mente e corpo, fomentando valores como a convivencia, a integración, a socialización e o respecto polos demais”, segundo afirmou o alcalde de Ourense, Jesús Vázquez, na presentación desta cita que encherá o aforo do Auditorio Municipal: trátase dunha actividade na que a colaboración das familias resulta fundamental.

O programa pretende que “a arte sexa un un complemento educativo, como ocorre en moitos dos países máis desenvolvidos”, afirmaba Núñez en rolda de prensa. “Ademais, estamos notando que os nenos xa non cantan, e isto é un pulo moi importante”, dixo.

No programa, que se desenvolveu ao longo dos últimos meses coa complicidade de 23 profesores de música de toda a provincia, desde Barbadás a Pereiro de Aguiar, na periferia de Ourense, pasando por concellos nas Terras de Trives ou de Celanova, chega á súa fin esta fin de semana: o sábado haberá concertos de coro xuvenil e de voces brancas no Conservatorio de Música de Ourense, e o domingo repetiranse as funcións ao longo da mañá até chegar á gala final. “A intención é que esta iniciativa perdure no tempo”, anunciou o rexedor.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.