Praza Maior 1        988 388 100

Atopar
Buscador Concello de Ourense

Goberno

A cidade de Ourense celebra este sábado 11 de novembro, día de San Martiño, a súa festa popular con máis raigame, os Magostos, declarada festa de interese turístico. Será no parque do Barbaña, e contará con todos os ingredientes clásicos desta festa: 1.000 quilos de castañas asadas, 2.000 bolos preñados (e 50 para celíacos), 200 botellas de viño e 1.500 augas. Para amenizar a tarde, haberá música a cargo das asociacións folclóricas As Daniñas e Gomes Mouro. O prezo é de 1€ por ración (castañas, bolo preñado, auga ou viño).

O alcalde de Ourense, Jesús Vázquez, animou na presentación do programa festivo a toda a cidade a participar do Magosto, “a festa máis singular e arraigada da nosa cidade”, pero sempre mantendo unhas estritas medidas de seguridade que este ano se incrementan pola declaración, por parte da Xunta de Galicia, de alerta de incendios por seca até o 12 de novembro. “No que respecta aos magostos que se celebran pola cidade, lembramos que é preciso que tanto as asociacións de veciños como os colectivos de outra índole ou particulares notifiquen no Concello a celebracións dos seus magostos”, explicaba Vázquez Abad, “coa fin de remitirlle á Policía Local e aos Bombeiros estas solicitudes para o seu informe”.

Bando

“Co obxecto de unificar as normas de seguridade nestes festexos, anúnciolles que esta Alcaldía ditará un bando no que se recollerán as recomendacións de Protección Civil, Policía Local e Bombeiros para que a celebración dos Magostos sexa óptima e sen riscos para as persoas”, explicaba o alcalde.

Así, contemplaranse normas coma a prohibición de utilizar materiais explosivos ou inflamables nas fogueiras, que estas deben manter unha distancia mínima de 15 metros respecto de calquera lugar habitado, tendido eléctrico ou outras instalacións coma mobiliario público ou contedores. A distancia incrementarase a 30 metros cando se trate de masas arbóreas, debendo estar o perímetro limpo e rozado. Así mesmo, as dimensións das fogueiras non deben superar os 3 metros de altura nin os 4 metros de diámetro.

O bando incidirá tamén en que os responsables de cada magosto deban asegurarse de que o lume queda completamente apagado antes de abandonar o lugar.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.