Praza Maior 1        988 388 100

Atopar
Buscador Concello de Ourense

Goberno

O sete de novembro foi presentado o Ciclo de Lírica, un dos produtos culturais máis singulares e especiais que pon en marcha o Concello de Ourense co inestimable apoio da Deputación e de Abanca.“Dúas institucións, pública e privada, que se significan polo seu constante apoio e sensibilidade coa Cultura en maiúsculas dentro de Ourense”, sinalou o alcalde, Jesús Vázquez. Neste eido, tamén explicou o vicepresidente da Deputación, Rosendo Fernández, que “a cooperación entre administracións promove accións tan importantes como a que estamos hoxe a presentar con figuras de máximo nivel en ópera e zarzuela”.

O Ciclo de Lírica é unha aposta pola música de calidade. Por situar a Ourense como capital da ópera e zarzuela coas figuras máis importantes da lírica española. Un certame de altísimo nivel con calidade asegurada, xa que conta con figuras de recoñecido prestixio internacional que interpretarán no inmellorable escenario do Teatro Principal auténticas xoias da música. Así o sinalou Roberto Relova, asesor musical do certame, quen matizou que “para alguén que viu a Cristina Gallardo Domas no Metropolitan de New York ou na Scala de Milán, saber que a ten en Ourense é un soño”.

Así, abrirá o Ciclo de Lírica o 24 deste mes a gran diva da ópera Cristina Gallardo Domas. A soprano chilena, gran figura internacional, estará acompañada por Juan Durán ao piano, posiblemente o mellor compositor galego que existe na actualidade, e xuntos amosarán “Puentes de Amor”, os temas que compoñen o disco que grabaron o mes pasado na nosa cidade.

O 1 de decembro, a mezzosoprano Sandra Ferrández e o barítono Javier Fernández darán un concerto con Rubén Fernández Aguirre ao piano. E unha semana despois, o 8 de decembro, o concerto de clausura correrá a cargo da soprano vallisoletana María Rodríguez e da pianista Margarita Viso Soto.

Todos os concertos serán ás 20:30 horas no Teatro Principal e o prezo das entradas estará entre os 5 e os 8 euros.

“Recuperamos así para Ourense un ciclo que ven a cubrir a escasa presencia de espectáculos líricos e con intérpretes recoñecidos en toda España. Ourense, como a Atenas Galega que é, convértese no escenario ideal para unha expresión artística que non deixará indiferente a ninguén. E, por suposto, atraer a atención de todos os públicos é un dos nosos obxectivos. Porque achegar a Cultura a todos é un xeito de facer cidade”, explicou o alcalde, Jesús Vázquez.

“Non me cabe a menor dúbida de que o esixente público ourensán agradecerá esta iniciativa pioneira que contribuirá, ademáis, a dinamizar a cultura da nosa cidade e a abrir novas portas e posibilidades para o público que ama a música en directo, a música de calidade. E sempre desde o incomparable escenario do Teatro Principal, perfecto para un espectáculo destas características”, finalizou o rexedor ourensán.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.