Praza Maior 1        988 388 100

Atopar
Buscador Concello de Ourense

Goberno

O Enclave de Cámara mantén a súa aposta por unha oferta permanente e de calidade de música clásica en Ourense e inicia o 2018 coa actuación o xoves 11 de xaneiro no Teatro Principal do quinteto de vento formado polos frauta, óboe, clarinete, fagot e trompa principais da Orquestra Sinfónica de Galicia.

O grupo, formado en 2001 por catro músicos americanos e un valenciano con traxectorias internacionais recoñecidas, combina á perfección a mentalidade europea e americana coa fin de producir música con estrutura, personalidade, profundidade e expresividade.

O Quinteto intégrano Claudia Walker, frautista principal da OSG desde 1992 ademais de reforzo convidada durante anos da Filharmónica de Nova York; Casey Hill, óboe principal quen traballou con prestixiosos directores como Zdenek Macal, Hugo Wolf, Edo de Waart ou Michael Tilson Thomas; Juan Antonio Ferrer Cerveró, clarinetista incorporado á OSG en 1995 e membro dos grupos de cámara Trío Untia, Siglo XX e Paganini Ensemble; Steve Harris Wangler, fagot solista formado con Stephen Maxym en Juilliard School e máis tarde con Bernard Garfield en Temple University e David Bushnell, actual solista de trompa da OSG e anteriormente da New World Symphony Orchestra, The Florida Orchestra e outras.

Variado será tamén o repertorio que teñen preparado: comezarán cun divertimento composto por Mozart precisamente cando os instrumentos de vento adquiren unha maior importancia na música orquestral ao adaptárense ás necesidades dos compositores para sumalos á corda e continuarán, mantendo a orde cronolóxica, con obras de Reicha, Rossini e Carl August Nielsen.

PROGRAMA DO CONCERTO

I Parte

  • Wolfang Amadeus Mozart (1756-1791) | Divertimento en Si bemol Maior K.240 (11')
  • I Allegro | II Menuetto | III Poco Andante-Gracioso | IV Finale - Allegretto
  • Anton Reicha (1770-1836) | Quinteto nº 2 en Mi bemol maior Op. 88 (15')
  • I Lento. Allegro moderato | II Menuetto: Allegro | III Poco Andante – Grazioso | IV Finale: Allegretto
  • Gioachino Rossini (1792-1868) | O barbeiro de Sevilla (arranxo Lanckelman) (7')
  • Obertura

II Parte

  • Carl August Nielsen (1865-1931) | Quinteto de Vento en La maior Op. 43 (25')
  • I Allegro ben moderato | II Menuet | III Praeludium. Adagio – Tema con variazioni

MÁIS INFORMACIÓN

Máis información con todas as novidades do ciclo en www.enclavedecamara.com, facebook e twitter.

Entradas online á venda en www.ataquilla.com e na billeteira do teatro dende dúas horas antes do concerto.

O Enclave de Cámara está organizado polo Concello de Ourense e conta coa colaboración da Deputación Provincial de Ourense, do Teatro Principal e da Corporación Radio e Televisión de Galicia.

Teatro Principal Ourense | xoves 11 xaneiro 2018 | 20:30 h | Entradas entre 5 e 8 €

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.