Praza Maior 1        988 388 100

Atopar
Buscador Concello de Ourense

Goberno

O festival internacional de música de Ourense, Pórtico do Paraíso, presentou no salón de plenos á súa décimo primeira edición. “Logo dunha década facéndonos soñar con propostas musicais de excelente nivel en auditorios inimaxinables, segue o seu camiño sen perder a capacidade de sorprendernos”, anunciaba o alcalde de Ourense, Jesús Vázquez, durante a presentación. Celebrarase do 2 ao 11 de marzo e, entre as novidades máis importantes, cómpre salientar a incorporación das igrexa de Santo Domingo, en Ourense, e de Santa María de Gracia, en Monterrei, e da Colexiata de Xunqueira de Ambía. Teatro Principal, Liceo, Museo Arqueolóxico e Catedral completan a nómina dos lugares escollidos para esta edición.

En canto aos nomes propios, o gaiteiro Carlos Núñez ofrecerá o concerto inaugural na Catedral de Ourense cos mesmos instrumentos representados na pedra policromada do século XIII, que cobran vida no lugar mesmo no que foron tallados grazas ao bo labor do taller dirixido por Manuel Brañas, da Deputación de Ourense. Para asistir ao concerto haberá qu8e retirar as invitacións na Oficina de Turismo de Ourense o propio venres, día 2.

Elenco internacional

Tamén estarán os suízos Arianna Savall e Petter U. Johansen (voz, harpa, hardingfele e cistro); o Vida Guitar Quartet, do Reino Unido; Wolodymyr Smishkewych (voz e organistrum), desde os EUA até o Museo Arqueolóxico; o italiano Marco Beasley (guitarra barroca e laúde); ou o sexteto vocal esloveno Ingenium Ensemble.

“Cada concerto é singular e irrepetible, polo que destacar un faise especialmente difícil. Porén, a clausura no Teatro Principal promete ser un evento único coa actuación de Antonio Serrano, harmónica do mestre Paco de Lucía, fusionando os ritmos flamencos co jazz de Albert Sanz ao piano”, confesaba rexedor na rolda de prensa.

Na presentación tamén estiveron presentes a concelleira de Cultura, Belén Iglesias; o vicepresidente da Deputación, Rosendo Fernández, quen se felicitou pola “equidade cultural” deste festival que adquire dimensión provincial, o director artístico do Pórtico do Paraíso, Juan Enrique Miguéns, que quixo salientar a efeméride do propio Pórtico do Paraíso da Catedral -“cúmprense 800 anos”, dixo-; así coma o alcalde de Monterrei, José Luis Suárez; e o concelleiro de Cultura de Xunqueira de Ambía, Rubén Seara.

Formación

O Pórtico do Paraíso continúa co seu firme propósito de combina o pracer de escoitar co de aprender grazas ao seu labor divulgativo e formador de vocacións. Así, haberá un curso de guitarra con Mark Ashford e un encontro con Wolodymyr Smishkewych no Conservatorio de Música de Ourense

Máis información

Páxina web de Pórtico do Paraíso 

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.