Praza Maior 1        988 388 100

Atopar
Buscador Concello de Ourense

Goberno

"O Auditorio do Pazo de Congresos de Ourense pode considerarse un dos mellores auditorios de Galicia, ao dispor de moi boas instalacións e gozar dunha moi boa situación na propia cidade". É unha das conclusións do informe elaborado pola Rede Galega de Teatros e Auditorios, e que valora de forma moi positiva todos os aspectos analizados no espazo da rúa da Canle: os medios técnicos, as diferentes instalacións e o nivel do persoal.

“Constatamos así, con datos obxectivos e eminentemente técnicos, que estamos a facer ben as cousas en materia cultural, convertendo aos nosos equipamentos en espazos de calidade, por moito que os grupos da oposición se empeñen en desprezar a xestión cultural municipal", sinala o alcalde de Ourense, Jesús Vázquez Abad.

O escenario, de grandes dimensións, está "ben equipado e ben coidado", asegura o informe, mentres que "os camerinos son amplos e están debidamente amoblados". Así mesmo, o acceso de mercadorías para a montaxe e desmontaxe dos escenarios ten "un bo acceso dotado dun gran montacargas que facilita as tarefas de carga e descarga". O informe fai especial fincapé no apartado humano: "pertence a unha empresa auxiliar, tratándose de persoal ben formado para o cometido e competente na materia".

En calquera caso, entre as melloras posibles para o Auditorio propón a continua modernización de equipos e a formación continua do seu equipo.

Esta non é a primeira vez que a Rede Galega de Auditorios e Teatros, dependente da AGADIC, felicita o Auditorio. Se agora é o continente, o pasado ano destacara a súa programación coma a mellor de toda Galicia.

Tamén foi destacado o Auditorio de Ourense, en datas recentes, polo subdirector xeral de Fremap, José Luis Checa Martín, pola súa colaboración no Manual para a mellora das condicións dos traballadores do sector das artes escénicas encargado polo Instituto Nacional das Artes Escénicas e Musicais (INAEM). Os responsables do Auditorio ourensán traballaron da man doutros espazos públicos coma o Teatro Real, o Palacio da ópera da Coruña ou Canal Sur Televisión, entre outros.

O edificio abriu as súas portas ao público por primeira vez o 17 de marzo de 2005, e contou coa actuación inaugural de Josep Carreras, o 4 de abril dese ano. A súa construción foi promovida polo Ministerio de Cultura, a Xunta de Galicia e o Concello de Ourense, sendo o seu arquitecto José Manuel Casabella (Ourense, 1952)

O edificio ocupa a parte máis baixa do solar (anteriormente ocupada pola residencia de oficiais), e alberga un aparcadoiro subterráneo de dúas plantas. A Sala Principal dispón de 743 localidades en forma de anfiteatro e 175 máis no poleiro. Ademais, conta con dúas salas multiuso (a Vermella e a Azul), con capacidade para 153 e 210 localidades.

Superficie total: 10.443.80 m2 (Auditorio 5.592,22 m2, aparcadoiro 4.851,58 m2).

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.