Praza Maior 1        988 388 100

Atopar
Buscador Concello de Ourense

Goberno

O alcalde de Ourense, Jesús Vázquez, acudiu esta mañá á gala de entrega de premios da novena edición do certame OUFF Escola, no que este ano participaron 102 traballos de toda Galicia (A Coruña, 36, Pontevedra, 37, Lugo, 11, e Ourense, 18).
O OUFF Escola é un evento organizado polo Concello de Ourense en colaboración coa Secretaría Xeral de Política Lingüística, ao abeiro do Festival de Cine de Ourense, e ten como obxectivo impulsar o uso do galego, coñecer a visión da infancia e da xuventude sobre a súa contorna sociocultural e fomentar a creatividade audiovisual e o traballo en equipo.
O Ouff escola “quere que dentro duns anos esteades aquí, nesta sala principal do Auditorio, presentando as vosas películas”, díxolle o alcalde de Ourense, Jesús Vázquez, ao alumnado presente na gala. “Ben como directoras, ben como iluminadoras, ben como axudantes de dirección ou como responsables de vestiario, ben como actores ou actrices... O Ouff escola quere ser a semente dos futuros cineastas”, aseguraba o rexedor.
Na gala, conducida pola actriz ourensá Uxía Morán, déronse a coñecer os premiados nas dúas categorías (Infantil e Primaria, e Demais niveis de ensino non universitario), coa proxección dos traballos gañadores.

Palmarés
Categoría Infantil ou primaria.
• 1º premio: Colexio Sagrado Corazón de Praceres, por Mareas Vivas.
• 2º premio: CEIP Nosa Señora das Dores, por O conto da muiñeira.
• Premio ao mellor guión: CEIP Tenorio, por Na Corredoira
• Mencións especiais: CEE Infanta Elena e CEIP OS Ponzos.
Demais niveis de Ensino non universitario
• 1º premio: IES Alfoz Valadouro, por O preguiceiro.
• 2º premio: IES As Barxas, por Chico ou cabalo.
• Premio ao mellor guión: IES Breamo, por Entre o río e o mar.
• Mencións especiais: IES As Barxas, por Todos ou ningún, IES Poeta Díaz Castro e o IES Xesús Taboada Chivite.
O xurado do OUFF escola estivo composto, este ano, por César Silva, director de programación do 23OUFF e presidente do xurado; Rubén Riós, actor e produtor de cine e de televisión; Simone Saibene, director e produtor; Manoli Maseda, coordinadora territorial dos equipos de Dinamización Lingüística da Xunta de Galicia en Ourense; e Gregorio Ferreiro Fente, asesor técnico da Secretaría Xeral de Política Lingüística da Xunta de Galicia.
Dentro das actividades paralelas do OUFF Escola está a proxección da película A cambio de nada, de Daniel Guzmán, o martes, 4 de decembro no Teatro Principal ás 11:00 horas; unha actividade de 'Lipdub' a cargo dos profesionais de “Nenoos” de Ourense, tamén o día 4 no Centro Cultural Marcos Valcárcel; tres talleres de dobraxe para alumnos de Secundaria; e o obradoiro de creación de cine “Cineduca”.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.