Praza Maior 1        988 388 100

Atopar
Buscador Concello de Ourense

Goberno

A compañía ourensá ilMaquinario teatro presentou esta mañá no Auditorio Municipal as tres funcións da súa obra 'Perplexo', que terán lugar este venres -para escolares ás 11:30 horas e para todos os públicos ás 20:30 horas- e sábado -ás 20:30 horas, para todos os públicos-.

Partindo dun dos últimos textos do dramaturgo alemán Marius Von Mayenbug, a compañía constrúe unha delirante comedia sobre a dificultade de atoparnos a nós mesmos na sociedade actual. O espectáculo, dirixido por Tito Asorey, foi galardoado con cinco premios María Casares no ano 2015: Mellor Espectáculo, Dirección, Iluminación, Vestiario e Tradución/Versión.

Malia que Perplexo á un espectáculo para público adulto, a compañía puxo a disposición dos escolares unha unidade didáctica específica sobre os temas da peza que pode ser utilizada para a realización de campañas no 2º ciclo da ESO, Bacharelatos e Ciclos Formativos.

Así, preténdese fomentar entre o alumnado a asistencia e o gusto polo teatro, reflexionar sobre a arbitrariedade do universo e sobre o noso papel como seres humanos en sociedade, cuestións que os asistentes á función de mañá -600 alumnos e alumnas de 4º de ESO, bacharelato e ciclos Superiores do CIFP Portovello, IES Lagoas, IES E Blanco Amor, CPR Sta Teresa de Jesús e CPR A Purísima, convocados pola Concellería de Educación- terán oportunidade de debater cos integrantes da compañía logo da representación.

Á presentación de Perplexo asistiron a concelleira de Cultura e de Educación, Belén Iglesias, e o programador do Auditorio, Manuel Freire, xunto co elenco de protagonistas da obra: Laura míguez e Fran Lareu e o propio Tito Asorey.

Sinopse

Laura e Fernando volven a casa despois das vacacións, mais ao pouco de entrar perciben nela pequenos pero estraños cambios: unha nova planta aparece na cociña, o seu gato non está por ningures e a luz está cortada por falta de pago, aínda que uns amigos da parella, Fran e Mela, quedaron ao coidado das cousas na súa ausencia. Cando esta nova parella aparece en escena a situación da un xiro, pois semella que eles son os verdadeiros e lexítimos propietarios da vivenda.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.