Praza Maior 1        988 388 100

Atopar
Buscador Concello de Ourense

Goberno

O Boletín Oficial da Provincia publica o 25 de maio a convocatoria de subvencións en materia deportiva do Consello Municipal de Deportes, de carácter anual e destinadas a eventos e manifestacións deportivas (liña 1: 80.000 euros) e para a actividade regular dos clubs deportivos da cidade de Ourense (liña 2: 600.000 euros).

 As bases, aprobadas no Consello Reitor do pasado 4 de maio, recollen importantes novidades achegadas por clubs e partidos políticos representados nesa institución, como que se valorará con máis puntuación aquelas entidades que acollan entre as súas filas deportistas con discapacidades, axudas para o aluguer de instalacións deportivas non municipais ou para adquisición de equipamentos non funxibles.

Prazos

Trala publicación, no BOP de hoxe, da convocatoria, e de acordo coas bases publicadas o 23 de maio, as solicitudes pódense presentar nas oficinas do Consello Municipal de Deportes, no Pavillón dos Remedios. No caso da primeira liña de actuación (Organización de actividades deportivas federadas e outras actividades de especial transcendencia social que contribúan á promoción deportiva no período comprendido entre o 1 de novembro de 2016 e o 31 de outubro de 2017), ata o día 31 de outubro.

No caso da segunda liña (Gastos de funcionamento das entidades deportivas por participación ou organización de competicións e actividades federadas de carácter oficial, para a tempada 2016-2017), , por un prazo der 30 días naturais desde hoxe.

A partida de axudas para este ano supera en 40.000 euros á do ano pasado, na que foron 77 os clubs beneficiados e 45 os eventos apoiados desde o Consello Municipal de Deportes en base ás dúas liñas de axudas. Este ano, ademais, existe a posibilidade de ampliar a liña de axudas no caso de existir crédito abondo, tal e como reflicten as bases da subvención.

Por outra banda, modificouse o sistema de xustificación e control financeiro das subvencións de xeito que as axudas se apliquen naquelas actividades para as que foron solicitadas.

Máis información

Pode consultar as bases no BOP de 23 de maio

Convocatoria no BOP do 25 de maio

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.