Praza Maior 1        988 388 100

Atopar
Buscador Concello de Ourense

Goberno

Ourense, 10 de xullo de 2018.

O Complexo deportivo de Oira xa pode presumir de instalacións de Volei Praia aptas para a disputa de campionatos do máximo nivel. As obras de mellora sobre o espazo de xogo permitiron que as pistas poidan ser homologadas pola Real Federación Española de Voleibol. Para o concelleiro de Deportes, Mario Guede, esta mellora “abre moitas posibilidades ao emprego deste espazo, tendo en conta o número de equipos de base de recente creación, pero tamén para a práctica do cachibol, unha modalidade de deporte inclusivo que está a gañar moitos adeptos na nosa cidade”, sinala.

Logo de retirar os materiais de base, realizouse un muro de contención, retranqueouse o peche e movéronse os postes de iluminación para gañar espazo: dunha pista pasouse a dúas, o que permite diversificar horarios entre as diferentes categorías dos clubs que usan as instalacións. Ademais, instalouse un sistema de drenaxe para filtrar as augas pluviais e, por último, adecuouse o pavimento de xogo cunha area homologada pola Real Federación Española de Voleibol. O importe destas actuacións roldou os 15.000 €.

Para o desenvolvemento dos traballos, participaron de forma coordinada os traballadores do Consello Municipal de Deportes, empresas especializadas de construción e a inestimable colaboración dos dous clubs da cidade desta disciplina: o Club Ourense Volei Praia e o Club Volei Praia Milenio.

Campionatos todo o verán

A vindeira cita no calendario deportivo do Volei Praia é, precisamente, esta fin de semana, coa disputa do Campionato Galego Sénior (sub-21 e sénior absoluto), puntuable para o ránking nacional da Federación Española de Volei. Ao longo deste verán irán desenvolvéndose diferentes campionatos -os diferetnes Torneos Milenio en categorías de base e outras probas do campionato galego sénior- até a celebración, a principios do mes de setembro, do Master Internacional Volei Praia.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.