Praza Maior 1        988 388 100

Atopar
Buscador Concello de Ourense

Goberno

Do 22 ao 24 de marzo, a piscina termal das Burgas amplía o seu horario nocturno até as 23:00 horas.

O 25 de marzo celebrarase un roteiro termal para aprender e interpretar nos valores culturais, etnográficos e naturais da auga. É unha actividade gratuíta e aberta a persoas de todas as idades. Prégase inscrición.

Tamén haberá unha carpa informativa na praza Maior, xornadas informativas no Campus de Ourense e a ponte romana contará cunha iluminación especial.

Así, o luns 19 de marzo celebrarase un importantísimo Foro Termal do Eixo Atlántico no Centro Cívico de Colón, coa presenza de representantes de diferentes lugares da eurorrexión. O martes 20 haberá unha cata de augas na ETAP das Coiñás de 12:00 a 14:00 horas. O mércores 21, a concelleira de Educación, Belén Iglesias, e o alcalde de Ourense, Jesús Vázquez, acudirán ao colexio Divina Pastora para traballar coa rapazada nunha nova sesión de Aqualoxía, un programa que se desenvolve en colaboración con Viaqua.

Chegamos ao 22 de marzo, o Día Mundial da Auga, data na que se instalará unha carpa (de 9:00 a14:00 horas) con obradoiros e xogos ao redor da auga na praza Maior. A partir das 10:00 horas, no Campus de Ourense, celebrarase a Xornada de portas abertas do Campus da Auga. Esa mesma noite iluminarase a ponte maior de cor azul para conmemorar a efeméride.

Do 22 ao 24 de marzo (de xoves a sábado) poderemos gozar do horario ampliado na piscina termal das Burgas, que permanecerán abertas até as 23 horas. “Coido que poucas experiencias hai tan pracenteiras nesta cidade como darse un baño termal pola noite. “, reflexionaba o rexedor.

Roteiro Termal: Ao redor das augas. O domingo 25 de marzo realizarase unha andaina especial polo día da Auga. Quéreselle achegar á cidadanía a posibilidade de descubrir e aprender máis sobre as augas a través dun roteiro interpretado para pór en valor todos os elementos culturais, etnográficos e naturais.

A saída farase desde a Ponte Vella (esquina Ribeiriño) ás 10:00 horas, e percorreranse as marxes peonís do río pasando pola Chavasqueira, a fonte do Tinteiro, o Muíño da Veiga e Outariz. Ao remate do paseo, o tren das Termas estará agardando polos participantes no roteiro (billete non incluído).

A actividade é gratuíta e aberta a persoas de todas as idades, e recoméndase anotarse no enderezo de correo turismo[arroba]ourense.es ou no teléfono 988.366.064. Así mesmo, aconséllase vestir calzado cómodo e vestimenta acorde co tempo, levar prismáticos e cámara de fotos, e levar auga para hidratarse e un petisco para media mañá.

Documentos

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.