Praza Maior 1        988 388 100

Atopar
Buscador Concello de Ourense

Goberno

O Concello de Ourense intensifica neste mes de xullo a súa campaña de desratización e desinsectación nos parques e zonas públicas da cidade, coa posta en marcha dun plan de choque coincidindo coa chegada das vacacións estivais e o aumento de usuarios destas contornas públicas.

A pasada semana dende Alcaldía, a través da Concellería de Medio Ambiente, instóuselle á empresa encargada do control de pragas a traballar de forma intensa e exhaustiva para proceder ao saneamento dos sumidoiros e puntos sensibles para a aparición de ratas ou cascudas, coma os contedores de lixo.

Así, ao longo deste mes, está en marcha unha campaña de choque, que consiste en duplicar as actuacións habituais de control con dúas intervencións semanais nos parques, xardíns e rúas da cidade contempladas no plan anual de control de pragas, pero tamén en zonas onde se informou da presenza de roedores ou cascudas.

Este martes realizáronse traballos de control de pragas nos parques de San Lázaro, do Couto, de Barrocás, no parque da rúa Murga, Nuño de Ousende, rúa Greco, Manuel Lago, Avenida de Marín e Alameda da Ponte.

Os técnicos da empresa realizaron un control polos sumidoiros e os lugares onde soe ser habitual a presenza destes animais, e instalaron cebos e trampas mecánicas para proceder a súa captura e eliminación. De feito, as intensas choivas provocadas polas recentes treboadas provocaron que estes roedores saian máis cara a superficie por estar anegado o seu hábitat natural, a modo de supervivencia.

Na actualidade estanse a empregar estes dous sistemas (cebos e trampas mecánicas), que se colocan nos lugares do subsolo percorridos por estes animais sen que en ningún momento supoñan perigo algún para os cidadáns.

Esta previsto que este venres os técnicos da empresa de control de pragas realicen unha segunda actuación nestas mesmas zonas. Nas vindeiras semanas, a empresa realizará este mesmo plan de choque noutros puntos da cidade, co obxectivo de controlar a poboación de ratas e cascudas nos meses de verán.

Compre sinalar que as campañas de desratización e desinsectación non se centran na tempada estival. Ao longo de todo o ano realízanse actuacións en toda a cidade, pero nos meses de maio, xullo e setembro o control habitual intensifícase con senllas campañas de choque por toda a cidade, e con especial atención aos puntos onde é maior a presenza de persoas.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.