Praza Maior 1        988 388 100

Atopar
Buscador Concello de Ourense

Goberno

O Concello de Ourense vén de presentar os cinco programas de Familia da Concellería de Sanidade, que se promocionan desde o 24 de outubro a través da campaña “Educa en respecto e Solidariedade”, e cos que pretenden orientar as nais e pais da cidade na educación dos seus fillos.

A través da Escola de Nais e Pais, do servizo Smaff e do Ociourense, o departamento de Sanidade atendeu a 659 familias da cidade o pasado ano. Coa posta en marcha do programa Sabes e da campaña promocional, o Concello pretende “ampliar o número de usuarios e apoiar os educadores no proceso evolutivo, educativo e madurativo dos nenos”, en palabras do alcalde de Ourense, Jesús Vázquez.

Co obxectivo de fortalecer o papel referencial e potenciar a comunicación e as habilidades sociais na familia, necesarias para favorecer un bo clima emocional e de relación, o Concello de Ourense quere fomentar as boas prácticas a través do primeiro axente socializador, que é a familia. “Este Concello entende a necesidade de que os educadores fortalezan o seu papel referencial establecendo límites claros e normas que orienten o comportamento dos seus educandos”, comentaba o rexedor en rolda de prensa.

Estes límites e normas serven de guía para substituír o control exterior das súas condutas por un control interno, o que facilitará que na adolescencia, idade na que adoitan aparecer os primeiros problemas, os máis novos poidan responder á presión externa de xeito responsable.

Os programas da Concellería de Sanidade queren, así mesmo, funcionar “coma un todo entrelazado, non só porque enriquecen a programación senón porque tamén nos axudan a coñecer aos usuarios”, sinalaba a técnica da Concellería, Luísa Rodríguez Arias.

Así, a través da Escola de Nais e Pais quérese facilitar unha ferramenta de apoio e orientación aos pais para educar os fillos; o SMaFF, un servizo que entrou en funcionamento en 2012, serve para que os pais que se enfrontan por vez primeira aos problemas da adolescencia saiban como actuar; Ocio en Familia procura o lecer conxunto favorecedor da comunicación; o programa Sabes, en colaboración coa Concellería de Asuntos Sociais, nace para poñer en valor as mulleres emigrantes ou en risco de exclusión social; e a Educación para a autonomía pretende evitar a sobre protección dos fillos para que medren nun entorno crítico e maduro.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.